webadmin

வவுனியா மாநகர சபையின் 2026 ஆம் ஆண்டிற்கான வரவு செலவுத்திட்ட வரைவு மக்களின் பார்வைக்காக

Posted on November 21, 2025November 24, 2025 by webadmin

வவுனியா மாநகர சபையின் 2026 ஆம் ஆண்டிற்கான வரவு செலவுத்திட்ட வரைவு மக்களின் பார்வைக்காக

வவுனியா மாநகர சபையின் 2026 ஆம் ஆண்டிற்கான வரவு செலவுத்திட்ட வரைவு பொது மக்களின் வேண்டுகோளுக்கு அமைவாக 21.11.2025 ஆம் திகதியில் இருந்து 30.11.2025 ஆம் திகதி வரை மாநகர சபை அலுவலகம், பொது நூலகம் மற்றும் சனசமூக நிலையங்களில் மக்களின் பார்வைக்காக வைக்கப்பட்டுள்ளது. இதனை அலுவலக நேரத்தில் காலை 8.30 மணி முதல் மாலை 4.15 மணி வரை பார்வையிட முடியும்.

பாதீட்டில் 2026 ஆம் ஆண்டிற்கான வருமானங்கள் மற்றும் செலவீனங்கள் தொடர்பான விடயங்களும், மேற்கொள்ளவிருக்கும் அபிவிருத்தி வேலைத்திட்டங்கள் தொடர்பான விபரங்களும் உள்ளடக்கப்பட்டுள்ளது.

பொதுமக்கள் இதனை பார்வையிட்டு அபிப்பிராயங்கள் ஏதுமிருப்பின் ” ஆணையாளர், மாநகர சபை, வவுனியா” எனும் முகவரிக்கு நேரடியாகவோ அல்லது கடிதம் மூலமாகவோ 01.12.2025 ஆம் திகதிக்கு முன்னர் தெரிவிக்க முடியும் என்பதனை அறியத்தருகின்றேன்.

ஆணையாளர்

வவுனியா மாநகர சபை

சுற்றுலாத்துறை சார்ந்த சாரதிகளுக்கான இலவச கருத்தரங்கு

Posted on November 11, 2025November 24, 2025 by webadmin

சுற்றுலாத்துறை சார்ந்த சாரதிகளுக்கான இலவச கருத்தரங்கு

சுற்றுலாத்துறை பணியகத்தின் அனுசரணையுடன் சுற்றுலாத்துறையினை சேர்ந்த சாரதிகளுக்கு பயிற்சியளிப்பதற்கான திட்டத்தின் கீழ் வவுனியா மாநகர ஆளுகைக்குட்பட்ட சாரதிகளுக்கு (Car, Van, Three Wheeler) பொருத்தமான வளவாளர்களை கொண்டு 22.11.2025 மற்றும் 23.11.2025 ஆகிய இரு தினங்களும் காலை 9.00 மணி தொடக்கம் மாலை 4.00 மணி வரை வவுனியா மாநகர சபையில் அமைந்துள்ள நகர மண்டபத்தில் இலவச கருத்தரங்கு இடம்பெறவுள்ளது.

எனவே குறித்த பயிற்சிநெறியில் பங்கேற்க ஆர்வமுள்ள சுற்றுலாத்துறை சார்ந்த முச்சக்கர வண்டி(Auto), மகிழுந்து(Car Taxi), வான் (Van) சாரதிகள் வாய்ப்பினை தவறாமல் பயன்படுத்திக்கொள்ளுமாறு கேட்டுக்கொள்ளப்படுகின்றீர்கள்.

வவுனியா மாநகர சபைக்குட்பட்ட சுற்றுலாத்துறையில் இணைவதற்கு ஆர்வமுள்ள சாரதிகள் இக்கருத்தரங்கில் பங்குபற்றுவதற்குரிய பெயர் விபரங்களை அலுவலக தொலைபேசி இலக்கம் ஊடாகவோ அல்லது கீழ்வரும் கூகுள் படிவத்தினை சமர்ப்பிப்பதன் ஊடாகவோ முன்கூட்டியே பதிவு செய்யுமாறு கேட்டுக்கொள்கின்றோம்.

மாநகர ஆணையாளர்

வவுனியா மாநகர சபை

தொடர்புகளுக்கு : 024-2222275

Google Form : https://docs.google.com/…/1FAIpQLSckklElGC0…/viewform…

மக்கள் முற்றத்தில் மாநகராட்சி” வவுனியா மாநகர சபையின் இறம்பைக்குளம் வட்டாரத்திற்கான நடமாடும் சேவை – 16.10.2025

Posted on October 16, 2025November 24, 2025 by webadmin

வவுனியா மாநகரசபையின் இறம்பைக்குளம் வட்டாரத்திற்கான நடாடும் சேவையானது இன்றையதினம் 16.10.2025 ஆம் திகதி வியாழக்கிழமை இறம்பைக்குளம் புனித அந்தோனியார் ஆலய மண்டபத்தில் இடம்பெற்றிருந்தது. இந்நடமாடும் சேவையின் போதான பதிவுகள்

மக்கள் முற்றத்தில் மாநகராட்சி” வவுனியா மாநகர சபையின் கடை வீதி வட்டாரத்திற்கான நடமாடும் சேவை – 11.10.2025

Posted on October 16, 2025November 24, 2025 by webadmin

வவுனியா மாநகரசபையின் கடைவீதி வட்டாரத்திற்கான நடாடும் சேவையானது 11.10.2025 ஆம் திகதி சனிக்கிழமை பழைய பேரூந்து நிலைய கட்டடத்தொகுதியில் இடம்பெற்றிருந்தது. இந்நடமாடும் சேவையின் போதான பதிவுகள் சில

சேவைநலன் பாராட்டு

Posted on October 8, 2025November 24, 2025 by webadmin

சேவைநலன் பாராட்டு

மாநகர ஆணையாளர் திரு.பொன்னம்பலம் வாகீசன்

*********************************************************************

மாநகரசபையின் முதலாவது ஆணையாளராக பதவியேற்று ஓர் குறுகிய காலப்பகுதியினுள் சிறப்பானதோர் மாற்றத்திற்கு வித்திட்டு தமது பதவி உயர்வின் நிமித்தம் இடமாற்றம் சென்றுள்ள எமது மதிப்பிற்குரிய மாநகர ஆணையாளர் திரு.பொன்னம்பலம் வாகீசன் அவர்களுக்கு சபையின் சார்பில் நன்றிகளையும் நல்வாழ்த்துக்களையும் தெரிவித்து நிற்கின்றோம்.

மறுமலர்ச்சி நகரம் வவுனியா மாநகர சபை உள்ளூராட்சி வார நிகழ்வுகள் – 20.09.2025

Posted on September 21, 2025November 24, 2025 by webadmin

மறுமலர்ச்சி நகரம் வவுனியா மாநகர சபை

உள்ளூராட்சி வார நிகழ்வுகள் – 20.09.2025

ஆறாம் நாள் நிகழ்வுகள் – பொதுமக்கள் பயன்பாட்டு மற்றும் உலக தூய்மைப்படுத்தல் தினம்

*******************************************************************

உள்ளூராட்சி வாரத்தினை முன்னிட்டு 20.09.2025 ஆம் திகதி சனிக்கிழமை பொதுமக்கள் பயன்பாட்டு மற்றும் உலக தூய்மைப்படுத்தல் தினமாக பிரகடனப்படுத்தப்பட்டிருந்தமைக்கமைவாக, ஆறாம் நாள் நிகழ்வாக நேற்றைய தினம் 20.09.2025 ஆம் திகதி வவுனியா மாவட்ட சாரணர் சங்கம், மாநகரசபை மற்றும் Rotract Club இணைந்து வவுனியா மாநகர வீதிகளை தூய்மை படுத்தும் பணியில் ஈடுபட்டனர். இதன்போது நகரத்தின் பிரதான வீதிக்கரைகளில் இருந்த பெருமளவான பிளாஸ்ரிக் மற்றும் பொலித்தீன் கழிவுகள் அகற்றப்பட்டிருந்தது.

இச்சிரமதான நிகழ்வின் போது வவுனியா பண்டார வன்னியன் சதுக்கத்தில் இருந்து மாநகர சபை எல்லை வரையான மன்னார் வீதி , குருமங்காடு காளி கோவில் வீதியிலிருந்து தாண்டிக்குளம் புகையிரத நிலையம் வரையான வீதி, ஹொறவப்பொத்தனை வீதியில் இருந்து வெளிக்குளம் வரையான வீதி ஆகிய பிரதான வீதிகளில் தூய்மைப்படுத்தல் செயற்றிட்டம் வவுனியா மாநகர சபையினால் முன்னெடுக்கப்பட்டிருந்தமை குறிப்பிடத்தக்கது.

அதனைத்தொடர்ந்து, பிளாஸ்டிக் மற்றும் பொலித்தீன் பாவனையின் தீமைகள் தொடர்பாக சாரண மாணவர்களுக்கு தெளிவூட்டும் விழிப்புணர்வு நிகழ்வு நகர மண்டபத்தில் இடம்பெற்றது.

நிகழ்வில் சுற்றுசூழல் அதிகாரசபையின் யாழ் மாவட்ட உதவிபணிப்பாளர் தவகிருபா கலந்துகொண்டு மாணவர்களுக்கு கருத்துக்களை முன்வைத்திருந்தார்.

குறித்த நிகழ்வுகளில் வவுனியா மாநகரசபை முதல்வர் சு.காண்டீபன், மாநகர ஆணையாளர் வாகீசன், உதவி மாவட்ட ஆணையாளர்களான சந்திரமோகன்,யதீஸ்கரன்,பிரதீபன், மற்றும் மாநகரசபை உத்தியோகத்தர்கள், ஊழியர்கள் கலந்துகொண்டிருந்தனர்.

“‘வளமான நாடும் அழகான வாழ்ககையும்”

மறுமலர்ச்சி நகரம் வவுனியா மாநகர சபை உள்ளூராட்சி வார நிகழ்வுகள் – 2025 2025.09.18 மூன்றாம் நாள் நிகழ்வுகள் – வருமான மேம்பாட்டு தினம்

Posted on September 19, 2025November 24, 2025 by webadmin

மறுமலர்ச்சி நகரம் வவுனியா மாநகர சபை

உள்ளூராட்சி வார நிகழ்வுகள் – 2025

2025.09.18 மூன்றாம் நாள் நிகழ்வுகள் – வருமான மேம்பாட்டு தினம்

******************************************************************

உள்ளூராட்சி வாரத்தினை முன்னிட்டு சபையின் வருமான மட்டத்தினை அதிகரித்து, இதன் மூலம் பிரதேசமட்ட அபிவிருத்தியை ஏற்படுத்தும் பொருட்டு வவுனியா மாநகரசபையின் உத்தியோகத்தர்கள் மற்றும் ஊழியர் குழாமினால் இச்செயற்றிட்டமானது வெற்றிகரமாக நிறைவேற்றப்பட்டது.

ஒவ்வொரு உள்ளூராட்சி மன்றங்களும் தமது சொந்த வருமான மூலங்கள் எவை என சரிவர இனங்கண்டு அவற்றை கூட்டு முயற்சியாக சேகரித்து தமது ஆளுகைக்குட்பட்ட பிரதேச விருத்தியை அதிகப்படுத்த வேண்டியதன் அவசியத்தை உணர்த்தும் வகையில் உள்ளூராட்சிவாரத்தின் இன்றைய நாள் அமைந்திருந்தது.

சபையினால் வருமான சேகரிப்பிற்கான இடங்கள் தேர்வு செய்யப்பட்டு, வவுனியா மாநகர சபையின் அலுவலர்கள் குழுக்களாக பிரிந்து சபையின் சகல வட்டாரங்களிலும், ஆதன வரி வருமானங்களை சேகரித்தல், வியாபார வரி மற்றும் வியாபார உரிமங்களை வழங்குதல், உயர்தொழில் உரிமங்களை வழங்குதல், வியாபார நிலையங்களுக்கான கழிவகற்றல் கட்டணங்களை அறவீடு செய்தல் போன்ற வருமான மேம்பாட்டு நடவடிக்கைகளை மேற்கொண்டு மாநகர சபைக்குரிய வருமானமாக ஒரேநாளில் ரூபா 6 மில்லியன் அறவீடு செய்யப்பட்டிருந்தமை மிகவும் சிறப்பானதோர் விடயமாகும்.

சபையின் இவ்வாறான ஓர் சிறப்பான செயற்பாட்டினை முன்னெடுத்திருந்த வவுனியா மாநகர சபையின் உத்தியோகத்தர் மற்றும் ஊழியர் குழாமிற்கும், மற்றும் இச்செயற்பாடுகளுக்கு ஒத்துழைப்பு நல்கியிருந்த பொதுமக்கள், வர்த்தகர்கள் அனைவருக்கும் எனது நெஞ்சார்ந்த நன்றிகளும் பாராட்டுக்களும்.

”வளமான நாடும் அழகான வாழ்க்கையும்”

முதல்வர்

வவுனியா மாநகர சபை

உள்ளூராட்சி வாரம் – 2025 வவுனியா மாநகர சபை இலக்கியம், கல்வி மற்றும் நூலக மேம்பாட்டு தினம் – 19.09.2025

Posted on September 19, 2025November 24, 2025 by webadmin

உள்ளூராட்சி வாரம் – 2025 வவுனியா மாநகர சபை

இலக்கியம், கல்வி மற்றும் நூலக மேம்பாட்டு தினம் – 19.09.2025

*******************************************************

வவுனியா மாநகரசபையின் எல்லைக்குட்பட்ட பாடசாலை மாணவர்களுக்கிடையே கலைத்திறன்களை ஊக்குவிக்கும் பொருட்டு, ”பொலித்தீன் மற்றும் பிளாஸ்ரிக் பாவனையினால் சூழலுக்கு ஏற்படும் தாக்கம்” மற்றும் ”எதிர்கால மாநகரம்” என்ற தொனிப்பொருளின் கீழ் ஓவியப்போட்டிகள் நடாத்தப்பட்டது.

இதன் போதான பதிவுகள் சில….

மறுமலர்ச்சி நகரம் வவுனியா மாநகர சபை உள்ளூராட்சி வார நிகழ்வுகள் – 2025

Posted on September 19, 2025November 24, 2025 by webadmin

மறுமலர்ச்சி நகரம் வவுனியா மாநகர சபை

உள்ளூராட்சி வார நிகழ்வுகள் – 2025

******************************************************************

உள்ளூராட்சி வாரத்தின் கீழ் 21.09.2025 ஆம் திகதி முன்னெடுக்கப்படவுள்ள விளையாட்டு தினத்தை முன்னிட்டு, மாநகர சபையின் எல்லைக்குட்பட்ட வட்டாரங்களுக்கிடையிலான துடுப்பாட்ட போட்டிகள் மற்றும் உத்தியோகத்தர்கள் ஊழியர்கள், மற்றும் சபையின் உறுப்பினர்களுக்கான துடுப்பாட்டம், சதுரங்கம் மற்றும் பூப்பந்தாட்ட முதற்கட்ட போட்டிகள் இடம்பெற்று வருகின்றது. இதன் இறுதிக்கட்ட நிகழ்வுகள் 21.09.2025 ஆம் திகதி ஞாயிற்றுக்கிழமை இடம்பெறவுள்ளது.

அந்த வகையில், வவுனியா மாநகர சபையின் உத்தியோகத்தர்கள் மற்றும் ஊழியர்களுக்கிடையிலான சதுரங்க போட்டிகள் 17.09.2025 ஆம் திகதி நகர மண்டபத்தில் இடம்பெற்றிருந்தது. இப்போட்டிகளுக்கு வவுனியா IDM நிறுவனம் தன்னுடைய அனுசரணையை வழங்கியிருந்தது குறிப்பிடத்தக்கது.

அத்துடன் IDM பிரதம பணிப்பாளர் திரு. அன்ட்றூ (வவுனியா, IDM நிறுவனம்) அவர்களுக்கு மாநகர சபை சார்பாக நன்றியை தெரிவித்துக்கொள்கின்றோம்.

முதல்வர்

வவுனியா மாநகர சபை

Posted on September 19, 2025November 24, 2025 by webadmin

மறுமலர்ச்சி நகரம் வவுனியா மாநகர சபை

உள்ளூராட்சி வார நிகழ்வுகள் – 2025

2025.09.17 மூன்றாம் நாள் நிகழ்வுகள் – சுகாதாரம் மற்றும் ஆரோக்கிய தினம்

******************************************************************

உள்ளூராட்சி வாரத்தின் கீழ் பிரகடனப்படுத்தப்பட்ட சுகாதாரம் மற்றும் ஆரோக்கியம் பேணல் தினத்தினை முன்னிட்டு, பொதுமக்களுக்கு முன்கூட்டியே அறிவித்தமைக்கிணங்க, தேக்கவத்தை வட்டாரத்தில் சுகாதார மற்றும் கால்நடை வைத்திய பிரிவினருடன் இணைந்து 165 நாய்களுக்கான தடுப்பூசிகள் ஏற்றும் நடவடிக்கைககள் முன்னெடுக்கப்பட்டது.

முதல்வர்

வவுனியா மாநகர சபை