Events – Page 4

உலக மண் தினம் – 2023

Posted on December 5, 2023February 26, 2024 by webadmin

உலக மண் தினத்தினை முன்னிட்டு மண் வளத்தினை பாதுகாப்பதற்கான விழிப்பணர்வினை மக்களிடையே ஏற்படுத்தும் நோக்குடன் வவுனியா மாவட்டத்தில் இயங்கும் அரச திணைக்களங்களுடன் இணைந்து நகர சபையினால் வவுனியா நகரப்புற பகுதிகளில் சுற்றாடலில் காணப்பட்ட எமது மண் வளத்திற்கு தீங்கினை ஏற்படுத்தக்கூடிய பிளாஸ்டிக் மற்றும் பொலித்தீன் கழிவுகள் சேகரிக்கப்பட்டு அகற்றப்பட்டது.

தற்போது பயணங்களின் போது அதிகளவான பிளாஸ்டிக் மற்றும் பொலித்தீன் பாவனையானது அதிகரித்துச்செல்வதனை அவதானிக்க முடிகின்றது. அவை மண் வளத்திற்கும் சுற்று சூழலுக்கும் பாதிப்பினை ஏற்படுத்தாதவாறு மீள் சுழற்சிக்கு உட்படுத்தக்கூடியவாறு அகற்றுதல் அவசியமான ஒன்றாகும். இது தொடர்பிலான விழிப்புணர்வினை ஏற்படுத்தும் விதமாக வவுனியா பதிய பேருந்து நிலையத்தின் ஊடாக பயணத்தினை முன்னெடுக்கும் பேருந்துகளில் பயணம் செய்யவிருந்த பயணிகளுக்கு பேருந்து பயணத்தின் போதான கழிவகற்றல் பாவனைக்காக கழிவகற்றல் பைகள் வழங்கப்பட்டு பயணிகள் மத்தியில் இது தொடர்பான விழிப்புணர்வினை ஊட்டும் நடவடிக்கைகள் இன்றைய தினம் முன்னெடுக்கப்பட்டது. இந்நிகழ்வில் வவுனியா மாவட்ட அரசாங்க அதிபர், மேலதிக அரசாங்க அதிபர் அவர்களுடன் இணைந்து நகர சபை செயலாளர், பொது சுகாதார பரிசோதகர் மற்றும் உத்தியோகத்தர்கள் ஊழியர்கள் ஆகியோர் பங்குபற்றியிருந்தமை குறிப்பிடத்தக்கது.

Best Annual Reports and Accounts Award Ceremony

Posted on December 5, 2023February 14, 2024 by webadmin

Best Annual Reports and Accounts Award Ceremony was held on 4th of December 2023 at BMICH. Vavuniya Urban Council participated in this ceremony and received compliance certificate on this island level competition.

உள்ளுராட்சி மன்றங்களுக்கிடையே நடாத்தப்பட்ட 2022ம் ஆண்டிற்கானஆண்டறிக்கை மற்றும் கணக்கறிக்கை (Best Annual Reports & Accounts) தொடர்பாக நடாத்தப்பட்ட போட்டியில் எமது சபை விருதினை பெற்றுக்கொண்டது.

தேசிய வாசிப்பு மாதத்தின் இறுதி நாள் நிகழ்வு

Posted on November 30, 2023February 14, 2024 by webadmin

வாசிப்பு திறனை மேம்படுத்தும் வகையில் ஒக்டோபர் மாதத்தினை தேசிய வாசிப்பு மாதமாக பிரகடனப்படுத்தப்பட்டு தேசிய ரீதியில் விசேட நிகழ்வுகள் முன்னெடுக்கப்பட்டன.

வவுனியா நகரசபையின் அனுசரணையுடன் வவுனியா நகர சபை பொது நூலகத்துடன் இணைந்து தேசிய வாசிப்பு மாதத்தினை சிறப்பிக்கும் வகையில் பாடசாலை மாணவர்களின் வாசிப்பு ஆற்றல் திறன்களை மேம்படுத்தும் வகையில் பல நிகழ்வுகள் நடத்தப்பட்டன

இதற்கு அமைய இறுதி நாளான இன்று இறுதி நிகழ்வுகள் இன்று வவுனியா நகரசபை கலாச்சார மண்டபத்தில் நடைபெற்றது.

தேசிய வாசிப்பு மாதத்தின் இறுதி நாள் நிகழ்வாக “உலகம் வாசிப்பவருக்கே சொந்தமானது ” எனும் தொனிப்பொருளில் நகர சபை செயலாளர் தலைமையில் நடைபெற்ற நிகழ்வில் தேசிய வாசிப்புமாத சிறப்பிதழ் ( இதழ் 08 ) வெளியீட்டு வைக்கப்பட்டன.

வவுனியா நகரசபை செயலாளர் தலைமையில் நடைபெற்ற இந்நிகழ்வில் , கணக்காளர், நிர்வாக உத்தியோகத்தர் , பொது நூலகர், அலுவலக உத்தியோகத்தர்கள், பாடசாலை அதிபர்கள், ஆசிரியர்கள் ,பாடசாலை மாணவர்கள் , வாசகர்கள் என பலரும் கலந்துகொண்டனர்…

வவுனியா நகரசபையின் பொது நூலகத்தின் தேசிய வாசிப்புமாத நாளும் பரிசளிப்பு விழாவும்

Posted on November 28, 2023February 14, 2024 by webadmin

வவுனியா நகரசபையின் பொது நூலகத்தின் தேசிய வாசிப்புமாத நிறைவு நாளும் பரிசளிப்பு விழாவும் சபையின் செயலாளர் தலைமையில் 30.11.2023 ( வியாழக்கிழமை) மு.ப 9.30 மணிக்கு நகரசபை கலாச்சார மண்டபத்தில் நடைபெறவுள்ளது.

வவுனியா நகர சபையின் 2024 ஆம் ஆண்டிற்கான வரைபு பாதீடு பொது மக்களின் பார்வைக்கு

Posted on November 20, 2023February 26, 2024 by webadmin

வவுனியா நகர சபையின் 2024 ஆம் ஆண்டிற்கான வரைபு வரவு செலவுத்திட்டமானது பொதுமக்களின் பார்வைக்காக 20.11.2023 ஆம் திகதியிலிருந்து 04.12.2023 ஆம் திகதி வரை நகர சபை அலுவலகம், பொது நூலகம் மற்றும் சன சமூக நிலையங்களில் வைக்கப்பட்டுள்ளது.குறித்த வரவு செலவு திட்டத்தில் 2024 ஆம் ஆண்டிற்காக முன்னெடுக்கப்படவுள்ள அபிவிருத்தி வேலைத்திட்டங்கள், சபைக்குரிய வருமானங்கள் மற்றும் செலவீனங்கள் தொடர்பான அனைத்து விடயங்களும் உள்ளடக்கப்பட்டுள்ளமையினால், பொது மக்களாகிய நீங்கள் இவ் வரவு செலவு திட்டத்தினை பார்வையிட்டு தங்களது அபிப்பிராயங்களை செயலாளர், நகர சபை- வவுனியா எனும் முகவரிக்கு நேரடியாகவோ அல்லது கடிதம் மூலமாகவோ 05.12.2023 ஆம் திகதிக்கு முன்னர் தெரிவிக்க இயலும் என்பதனை அறியத்தருகின்றோம்.

————————————————————————-

வருமானம்

**************

சபையின் சொந்த வருமானம் 153,077,831.88

நன்கொடைகள் மற்றும் வருமான மீள் நிரம்பல்கள் 112,353,740.00

மூலதன பெறுகைகள் 5,000,000.00

எதிர்பார்க்கப்படும் மொத்த வருமானம் 270,431,571.88

செலவீனம்

**************

மீண்டெழும் செலவுகள் 225,281,515.00

மூலதன செலவுகள் 45,150,000.00

எதிர்பார்க்கப்படும் மொத்த செலவீனம் 270,431,515.00

வவுனியா மாநகர சபையின் உத்தியோக பூர்வ இணையத்தளம் வெளியீடு

Posted on November 8, 2023February 26, 2024 by webadmin

வவுனியா மாநகர சபையின் உத்தியோக பூர்வ இணையத்தளம் பிரதமர் கௌரவ தினேஷ் குணவர்தன அவர்களினால் 01-11-2-23 வவுனியா மாநகர சபை மண்டபத்தில் வைத்து திறந்து வைக்கப்பட்டது. வட மாகாண ஆளுநர், இராஜாங்க அமைச்சர்கள் பாராளுமன்ற உறுப்பினர்கள், உள்ளிட்ட உயர் அதிகாரிகள் பலரும் குறித்த நிகழ்வில் கலந்து கொண்டிருந்தமை குறிப்பிடத்தக்கது.

முக்கிய அறிவித்தல்…

Posted on October 18, 2023October 18, 2023 by webadmin

வவுனியா நகர சபை தீயணைப்பு வாகனத்தின் திருத்த நடவடிக்கைகள் தற்போது இடம்பெற்று வருகின்றமையினால் குறிப்பிட்ட சில நாட்களுக்கு சபையினால் தீயணைப்பு சேவைகளில் ஈடுபட முடியாதுள்ளது என்பதனை மன வருத்தத்துடன் அறியத்தருவதுடன், தீயணைப்பு வாகன திருத்த பணிகள் நிறைவடைந்தததும் இது தொடர்பில் அறியத்தரப்படும் என்பதனையும் பொது மக்களாகிய உங்கள் கவனத்திற்கு அறியத்தருகின்றோம்.

செயலாளர்,

நகரசபை,

வவுனியா

நூலக தேசிய வாசிப்பு மாதம் – ஒக்டோபர் – 2023 சஞ்சிகைக்கான ஆக்கம் கோரல்

Posted on October 18, 2023October 18, 2023 by webadmin

மேற்படி எமது சஞ்சிகையானது வருடம் தோறும் வெளியிடப்பட்டு வருகின்றது. 8வது சஞ்சிகைக்கான ஆக்கத்தினை வழங்க விரும்புவோர். 23-10-2023 ம் திகதிக்கு முன்னர் நூலகத்தில் நேரடியாகவோ அல்லது vavuniyalibrary@gmail.com என்னும் மின்னஞ்சல் முகவரிக்கோ அனுப்பிவைக்குமாறு கேட்டுக் கொள்கின்றேன்.

செயலாளர்.

நகரசபை,

வவுனியா.

16.10.2023

எதிர்வரும் மழை காலத்திற்கு முன்பதாக வடிகாலமைப்பு சுத்திகரிப்பு பணிகள்

Posted on October 17, 2023October 17, 2023 by webadmin

தற்போது மழைகாலத்தினை முன்னிட்டு வெள்ளநீர் வடிகாலமைப்பு சுத்திகரிப்பு பணிகள் சபையினால் முன்னெடுக்கப்பட்டு வருகின்றது..

பொதுமக்களாகிய நீங்களும் இப்பணியில் பங்கெடுத்து தங்களது வீதியின் காண்களை பராமரித்து எதிர்வரும் மழைகாலத்தின் போதான வெள்ள நீர் அனர்த்தங்களை கட்டுப்படுத்துவதற்கு தங்களது ஒத்துழைப்பினை வழங்கியுதவுமாறு அன்புடன் கேட்டு நிற்கின்றோம்.

——————————********——————————

உள்ளூராட்சி வாரத்தை முன்னிட்டு சனசமூக நிலையங்களுக்கிடையிலான விளையாட்டு போட்டி-2023

Posted on October 17, 2023October 18, 2023 by webadmin

உள்ளூராட்சி வாரத்தை முன்னிட்டு நகரசபையின் கீழ் இயங்கும் சனசமூக நிலையங்களுக்கிடையே கீழ்க்குறிப்பிடப்படும் விளையாட்டுக்களை நடாத்துவதற்கு நகரசபையினால் தீர்மானிக்கப்பட்டுள்ளமையால், நகரசபையின் கீழ் இயங்கும் சனசமூக நிலையங்கள் தாங்கள் பங்கு பெற விரும்பும் விளையாட்டுக்கள் தொடர்பான விருப்பத் தெரிவினை கீழ்க்குறிப்பிடப்படும் கூகிள் படிவத்தினை (Google Form) எதிர்வரும் 25.10.2023 ஆம் திகதிக்கு முன்னதாக பூரணப்படுத்தி Submit செய்வதன் மூலம் எமக்கு தெரியப்படுத்த முடியும்.

https://docs.google.com/…/1FAIpQLSdO_MJWA4rSgD…/viewform

அல்லாது விடின் http://demo2.cendri.org என்ற இணையத்தள பக்கத்தில் Online Service ஊடாக பதிவுசெய்யமுடியும்.

மேலதிக விபரங்களுக்கு

024-2222275

செயலாளர்,

நகரசபை,

வவுனியா