webadmin – Page 2

உள்ளூராட்சி வாரம் – 2025

Posted on September 11, 2025November 24, 2025 by webadmin

உள்ளூராட்சி வாரம் – 2025

உள்ளூராட்சி வாரத்தினை முன்னிட்டு எதிர்வரும் 15.09.2025 ஆம் திகதி தொடக்கம் 21.09.2025 ஆம் திகதி வரையும் வளமான நாட்டில் அழகான வாழ்வினை நோக்கி அடிஎடுத்து வைப்பதற்கான நிகழ்ச்சி திட்டங்கள் முன்னெடுக்கப்படவுள்ளது.

இடம்பெறவுள்ள இந்நிகழ்ச்சி திட்டங்களில் பங்கேற்று மாநகர சபையின் செயற்பாடுகளுக்கு ஆதரவு நல்கியுதவுமாறு அன்புடன் கேட்டுநிற்கின்றோம்.

முதல்வர்

வவுனியா மாநகரசபை

வவுனியா மாநகர சபையின் இரண்டாவது பெளர்ணமி கலைவிழா நிகழ்வுகள்

Posted on September 9, 2025November 25, 2025 by webadmin

வவுனியா மாநகர சபையின் இரண்டாவது பெளர்ணமி கலைவிழா நிகழ்வுகள்

வவுனியா நகர சபையின் 2025 ஆம் ஆண்டிற்கான வரைவு வரவு செலவுத்திட்டம் பொது மக்களின் பார்வைக்கு:

Posted on November 29, 2024November 23, 2025 by webadmin

வவுனியா நகர சபையின் 2025 ஆம் ஆண்டிற்கான வரைவு வரவு செலவுத்திட்டம் பொது மக்களின் பார்வைக்கு

வவுனியா நகர சபையின் 2025 ஆம் ஆண்டிற்கான வரைவு வரவு செலவுத்திட்டமானது 02.12.2024 ஆம் திகதியிலிருந்து 11.12.2024 ஆம் திகதி வரை நகர சபை அலுவலகம், பொது நூலகம் மற்றும் சன சமூக நிலையங்களில் பொதுமக்களின் பார்வைக்காக வைக்கப்பட்டுள்ளது.

குறித்த வரவு செலவு திட்டத்தில் 2025 ஆம் ஆண்டிற்காக முன்னெடுக்கப்படவுள்ள அபிவிருத்தி வேலைத்திட்டங்கள், சபைக்குரிய வருமானங்கள் மற்றும் செலவீனங்கள் தொடர்பான அனைத்து விடயங்களும் உள்ளடக்கப்பட்டுள்ளமையினால், பொது மக்களாகிய நீங்கள் இவ் வரவு செலவு திட்டத்தினை அலுவலக நாட்களில் பார்வையிட்டு தங்களது அபிப்பிராயங்களை

செயலாளர்

நகர சபை

வவுனியா

எனும் முகவரிக்கு நேரடியாகவோ அல்லது கடிதம் மூலமாகவோ 12.12.2024 ஆம் திகதிக்கு முன்னர் தெரிவிக்க இயலும் என்பதனை அறியத்தருகின்றோம்.

வரவு செலவு திட்டத்தினை PDF வடிவில் கீழ்வரும் இணைப்பினை தொடர்வதன் மூலம் மும்மொழிகளிலும் பெற்றுக்கொள்ள முடியும்.

https://drive.google.com/…/1waYm0tSWCw-Qy9KipwEv…

வழங்குனர்களையும் ஒப்பந்தகாரர்களையும் பதிவுசெய்தல்-2024

Posted on November 22, 2024November 23, 2025 by webadmin

வழங்குனர்களையும் ஒப்பந்தகாரர்களையும் பதிவுசெய்தல்-2024

நகர சபையானது 2024 ஆம் ஆண்டுக்கான பொருட்கள் மற்றும் சேவைகளை வழங்குவதற்கு தம்மை பதிவுசெய்துகொள்ள விரும்பும் வழங்குனர்களிடமிருந்து விண்ணப்பங்களை ஏற்கவுள்ளது.

குறிப்பு

விண்ணப்பப்படிவங்களை நகர சபை வவுனியா எனும் முகவரியில் இயங்குகின்ற எமது அலுவலகத்தில் பெற்றுக்கொள்ள முடியும்.

ஒவ்வொரு விண்ணப்பத்திற்கும் பதிவுக்கட்டணமாக ரூபா.1000 செலுத்தப்பட வேண்டும்.

விண்ணப்பப்படிவங்கள் 20.12.2023 ஆம் திகதி வரை ஏற்றுக்கொள்ளப்படும்.

பதிவுகள் 2024 ஆம் ஆண்டுக்கு மட்டும் செல்லுபடியாகும்.

மேலதிக விபரங்களுக்கு

024-2222275

024-2225050

ஆகிய எமது அலுவலக தொலைபேசி இலக்கங்களுக்கு அழையுங்கள்.

Follow Our Official Facebook Page

https://www.facebook.com/profile.php?id=100093148183978

நகர சபை வவுனியா

Urban Council Vavuniya

Like, share, and follow ⍟ ⭒

YouTube Link: https://www.youtube.com/@UrbanCouncil-Vavuniya

Website : https://vavuniya.uc.gov.lk

🎖️சுவர்ணபுரவர தேசிய விருது – 2024

Posted on August 1, 2024November 23, 2025 by webadmin

சுவர்ணபுரவர தேசிய விருது – 2024

மாகாண சபைகள் மற்றும் உள்ளூராட்சி அமைச்சினால் நாடு முழுவதுமுள்ள 341 உள்ளூராட்சி மன்றங்களுக்கு கட்டம் கட்டமாக நடாத்தப்பட்ட மாகாண மற்றும் தேசிய செயற்றிறன் மதிப்பீட்டினை (PERFECT 2.0) அடிப்படையாகக்கொண்டு 25.07.2024 ஆம் திகதி பண்டாரநாயக்கா ஞாபகார்த்த சர்வதேச மாநாட்டு மண்டபத்தில் (BMICH) மாண்புமிகு பிரதமர் தினேஸ் குணவர்த்தன அவர்களின் தலைமையில் 2024 ஆம் ஆண்டுக்கான சுவர்ணபுரவர தேசிய விருது வழங்கும் நிகழ்வானது இடம்பெற்றது. இந்நிகழ்வில் வவுனியா நகர சபையானது 632.50 புள்ளிகளைப் பெற்று Tier 2 தரவரிசைப்படுத்தப்பட்டுள்ளதுடன், தேசிய ரீதியில் இரண்டாம் இடத்தினைப்பெற்று வெள்ளி விருதினை சுவீகரித்துக்கொண்டது.

நாடு முழுவதுமுள்ள 41 நகரசபைகளிற்கிடையில் கட்டம் கட்டமாக நடாத்தப்பட்ட செயற்றிறன் மதிப்பீட்டின் அடிப்படையில் எமது சபையானது தேசிய ரீதியிலான மதிப்பாய்வுக்கு தெரிவுசெய்யப்பட்டிருந்தது. அதனடிப்படையில்,

இணக்கப்பாடு

வினைத்திறன்

விளைதிறன்

உள்வாங்கல்

புத்துருவாக்கம்

ஆகிய பிரதான குறிகாட்டிகளின் கீழ் நடாத்தப்பட்ட தேசிய ரீதியிலான மதிப்பீட்டு முடிவுகளின் பிரகாரம், எமது சபையானது இணக்கப்பாடு (Compliance), வினைத்திறன் ( Efficiency ), விளைதிறன் (Effectiveness), புத்தாக்கம் (Innovation) ஆகிய நான்கு குறிகாட்டிகளில் அதிகூடிய புள்ளிகளைப்பெற்று முதல் இடத்தினை கைப்பற்றி சான்றிதழ்களை பெற்றுக்கொண்டதுடன், ஆளுகை தொழிற்பாடுகள் (Governance Practices) எனும் செயல்திறன் பகுதியில் அதிகூடிய புள்ளிகளை பெற்றமைக்கான முதல் நிலை சான்றிதழும் வழங்கி கௌரவிக்கப்பட்டமையானது பெருமைமிகு ஓர் தருணமாகும்.

அத்துடன் ஏனைய மாகாணங்களை விட வடமாகாணமானது அதிக விருதுகளைப் பெற்று (20 விருதுகள்) முதலிடம் பெற்றிருந்தமை குறிப்பிடத்தக்கது.

எமது சபையானது தேசிய ரீதியில் இவ்விருதினை பெற்றுக்கொள்வதற்கு பல்வேறு தரப்பினரும் தமது பூரண ஒத்துழைப்பினை நல்கியிருந்தமை இந்நேரத்தில் குறிப்பிடப்படவேண்டிய அம்சமாகும்.

அந்த வகையில், எமது சபை இந்த கௌரவத்தை பெறுவதற்காக செயற்றிறன் மதிப்பீடு நடைபெறும் நேரத்தில் உத்தியோகத்தர்களை சிறப்புடன் வழிநடாத்தி, ஒன்றிணைத்து அர்ப்பணிப்புடன் செயலாற்றியிருந்த முன்னாள் நகரசபை செயலாளர்கள் திரு.பூ.செந்தில்நாதன் மற்றும் திரு.இ.தயாபரன் அவர்களை நாம் இந்நேரத்தில் நன்றியுடன் நினைவுகூரக் கடமைப்பட்டுள்ளோம். இக்கௌரவத்தினை பெறுவதற்கான இவர்களின் பங்கு அளப்பரியது.

மேலும், இவ்விருதினை பெற அயராது உழைத்த எமது சபையின் சகல உத்தியோகத்தர்கள், ஊழியர்களுக்கும் மற்றும் மதிப்பீட்டு நேரத்தில் சிறப்புடன் செயலாற்றி தற்போது இடமாற்றம் பெற்றுச்சென்றிருக்கும் உத்தியோகத்தர்கள் திருமதி. பானு துஸ்யந்தன், திருமதி.த.சோதிமலர் அவர்களுக்கும் எமது உளமார்ந்த நன்றிகளை தெரிவித்துக்கொள்கின்றோம்.

அத்துடன், செயற்றிறன் மதிப்பீட்டு காலப்பகுதியில், உள்ளூராட்சி ஆணையாளராக கடமையாற்றி நேர்த்தியான முறையில் வழிகாட்டல்களை எமக்கு வழங்கி தற்சமயம் உள்ளூராட்சி அமைச்சின் செயலாளராக பதவியுயர்வு பெற்றிருக்கும் திரு.செ.பிரணவநாதன் அவர்களுக்கும் எமது மனமார்ந்த நன்றிகளை தெரிவித்துக்கொள்கின்றோம்.

மேலும், இச்செயற்றிறன் மதிப்பீட்டுக்காக சிறப்பான முறையில் தமது ஆலோசனைகளை வழங்கி எம்மை வழிநடாத்தியிருந்த எமது பிராந்திய உள்ளூராட்சி உதவி ஆணையாளர் திரு.தெ.ரதீஸ்வரன் அவர்களுக்கும் எமது விசேட நன்றிகளை தெரிவித்துக்கொள்கின்றோம். இவரது ஆலோசனைகள் நாம் இவ்விருதினை பெற பெரிதும் பங்களிப்பு செய்திருந்தமை குறிப்பிடப்படவேண்டிய விடயமாகும். அத்துடன், பிராந்திய உள்ளூராட்சி உதவி ஆணையாளர் அலுவலக ஆய்வு உத்தியோகத்தர் அவர்களுக்கும் எமது மனம் நிறைந்த நன்றிகளை தெரிவித்துக்கொள்கின்றோம்.

அத்துடன், செயற்றிறன் மதிப்பீட்டுத் தருணத்தில் மொழிபெயர்ப்பு கடமையில் ஈடுபட்டு நாம் இவ்விருதினை பெற்றுக்கொள்வதற்கு பக்கபலமாக தோள்கொடுத்த எமது சகோதரமொழி உத்தியோகத்தர்களுக்கும் எமது இதயபூர்வமான நன்றிகளைத் தெரிவித்துக்கொள்வதில் பெருமகிழ்ச்சியடைகின்றோம்.

மேலும், நாம் இச்செயற்றின் மதிப்பீட்டு பணிகளில் அதிகளவிலான புள்ளிகளை பெற்றுக்கொள்வதற்கு எமக்கு பயிற்சிநெறிகளையும், தமது ஆலோசனைகளையும் வழங்கியிருந்த CDLG திட்ட குழுவினருக்கு எமது உளம் கனிந்த நன்றிகளை தெரிவித்து கொள்வதில் மட்டற்ற மகிழ்ச்சியடைகின்றோம்.

அடுத்து, செயற்றிறன் மதிப்பீட்டு பணிகளுக்கு தேவையான தரவுகள் மற்றும் புள்ளிவிபரங்களை தக்க தருணத்தில் வழங்கி ஒத்துழைப்பு நல்கிய அரச மற்றும் அரச சார்பற்ற நிறுவனங்களுக்கும் எமது மனப்பூர்வமான நன்றிகளை தெரிவித்து கொள்வதில் பேருவகை கொள்கின்றோம்.

அத்துடன், எமது சபையின் அனைத்து செயற்பாடுகளிலும் பக்கபலமாக இருந்து எமது ஆக்கபூர்வமான பணிகளுக்கு தமது ஒத்துழைப்பினை நல்கிவரும் எமது அன்பான பொதுமக்களுக்கும் எமது உளமார்ந்த நன்றிகளை தெரிவித்துக்கொள்வதில் பெருமிதம் கொள்கின்றோம்.

மேலும், இவ்விருது வழங்கும் விழாவில் எம்முடன் விருதுபெற்ற அனைத்து உள்ளூராட்சி சபைகளுக்கும் எமது மனமார்ந்த வாழ்த்துக்களை தெரிவித்துக்கொள்வதுடன், இவ்வெள்ளி விருதினை நாம் பெற்றுக்கொள்ள எமக்கு பல வழிகளிலும் ஆலோசனைகளையும், வழிகாட்டல்களையும், ஒத்துழைப்புகளையும் வழங்கி எமக்கு துணைநின்ற அனைத்து நல் உள்ளங்களுக்கும் எமது உளமார்ந்த நன்றிகள்.

மக்கள் சேவையில் மகிழ்ச்சி காண்போம்

வவுனியா நகர சபையின் ஆளுகைக்குட்பட்ட கோவில்குளம் – வட்டாரம் 10 இற்கான நடமாடும் சேவை – 29.05.2024

Posted on June 3, 2024November 23, 2025 by webadmin

வவுனியா நகர சபையின் ஆளுகைக்குட்பட்ட கோவில்குளம் – வட்டாரம் 10 இற்கான நடமாடும் சேவை – 29.05.2024

வவுனியா நகர சபையின் 2024 ஆம் ஆண்டிற்கான

நான்காவது நடமாடும் சேவையானது கோவில்குளம் துர்க்கா சனசமூக நிலையத்தில் 29.05.2024 ஆம் திகதி புதன்கிழமை முற்பகல் 9.00 மணி தொடக்கம் பிற்பகல் 3.00 மணி வரை வவுனியா நகர சபையினால் வெற்றிகரமாக நடாத்தப்பட்டது.

குறித்த நடமாடும் சேவையில் நகர சபையின் செயலாளர், உத்தியோகத்தர்கள், ஊழியர்கள் மற்றும் பொது மக்கள் என பலரும் பங்கேற்றிருந்தனர்.

குறித்த தினத்தில் நகர சபையினால் வீதி திருத்த வேலைகள், வீதி விளக்குகள் திருத்தம், வடிகாலமைப்பு சுத்திகரிப்பு வேலைகள், நீரிணைப்பு சேவைகள், கழிவற்றல் சேவைகள், சேதன பசளை விற்பனை, வியாபார உரிமம் வழங்குதல், முச்சக்கர வண்டி உரிமம் வழங்குதல், வீதி எல்லைக்கோட்டு சான்றிதழ் வழங்குதல், ஆதன பெயர் மாற்று சேவைகள், ஆதன வரியினை செலுத்துதல், விளம்பர அனுமதிகள், கட்டட அனுமதி வழங்குதல், காணி உப பிரிவிடுகை, நகர சபை பொது சுகாதார பரிசோதகர்களின் சுகாதார ஆலோசனைகள், நாய்ப்பட்டி வழங்குதல், நகர சபைக்கு உரித்தான முறைப்பாடுகளுக்கான தீர்வு வழங்குதல் உள்ளடங்கலாக அனைத்து சேவைகளும் நகர சபையினால் முன்னெடுக்கப்பட்டிருந்தது.

குறித்த தினத்தில் வருகை தந்த பொது மக்களின் வேண்டுகோளுக்கிணங்க, நகர சபையினால், மருதங்குளம் 1ஆம் ஒழுங்கை வீதி திருத்த வேலை முன்னெடுக்கப்பட்டிருந்தது.

மேலும், வீதி விளக்குகளை திருத்தம் செய்வதற்கான கோரிக்கைகள் மக்களால் முன்வைக்கப்பட்டதற்கமைவாக, குறித்த தினத்திலேயே 8 வீதி விளக்குகள் திருத்தம் செய்யப்பட்டது.

மேலும் பொதுமக்களிடமிருந்து 05 கோரிக்கைகள் கிடைக்கப்பெற்று தற்போது தொடர் நடவடிக்கை இடம்பெற்று வருகின்றது.

குறித்த நடமாடும் சேவையின் போது 3 கழிவகற்றல் வாகனங்கள் திண்ம கழிவகற்றல் செயற்பாட்டில் ஈடுபடுத்தப்பட்டது. மேலும், விவசாய நடவடிக்கைகளுக்காக நகர சபையால் தயாரிக்கப்பட்ட 170 கிலோ சேதன பசளையானது குறைந்த விலைக்கு (ரூ.25.00 ) பொது மக்களுக்கு வழங்கப்பட்டிருந்தது.

அத்துடன் குறித்த நடமாடும் சேவையில் கிடைக்கப்பெற்ற 28 வியாபார உரிமங்களுக்கான விண்ணப்பங்கள் அன்றைய தினமே பரிசீலிக்கப்பட்டு சான்றிதழ்கள் வழங்கப்பட்டிருந்தது.

நூலக சேவையினை விரிவாக்கும் நோக்கில் 8 நூலக அங்கத்துவ விண்ணப்பங்கள் பரிசீலிக்கப்பட்டு விண்ணப்பதாரர்களுக்கு நூலக அங்கத்துவ அட்டைகளும் வழங்கி வைக்கப்பட்டது.

குறித்த நடமாடும் சேவை நிறைவின் போது 45 இற்கும் அதிகமான பொது மக்கள் வருகை தந்து நகர சபையின் சேவைகளை பெற்றிருந்தமை குறிப்பிடத்தக்கது. மக்களிடமிருந்து கிடைக்கப்பெற்றிருந்த பெரும்பான்மையான கோரிக்கைகள் அன்றைய தினமே பரிசீலிக்கப்பட்டு உரிய தீர்வுகள் வழங்கப்பட்டது.

வவுனியா நகர சபையினால் முன்னெடுக்கப்பட்ட மக்களுக்கான நான்காவது நடமாடும் சேவையினை வெற்றிகரமாக நிறைவேற்றுவதற்கு எம்முடன் கைகோர்த்து நின்ற மக்கள் அனைவருக்கும் எமது மனமார்ந்த நன்றிகளை தெரிவித்துக்கொள்கின்றோம்.

எதிர்வரும் காலங்களிலும் இவ்வாறான நடமாடும் சேவைகள் ஏனைய வட்டாரங்களிலும் நடாத்தப்படவுள்ளது என்பதனை மகிழ்ச்சியுடன் அறியத்தருவதுடன், நகர சபையின் சேவைகளை திறன்பட வழங்குவதற்கு தங்கள் அனைவரினதும் ஒத்துழைப்பினையும், பங்களிப்பினையும் எதிர்பார்த்து நிற்கின்றோம்.

வவுனியா நகர சபையின் ஆளுகைக்குட்பட்ட கடை வீதி – வட்டாரம் 6 இற்கான நடமாடும் சேவை – 08.05.2024

Posted on May 12, 2024November 23, 2025 by webadmin

வவுனியா நகர சபையின் ஆளுகைக்குட்பட்ட கடை வீதி – வட்டாரம் 6 இற்கான நடமாடும் சேவை – 08.05.2024

வவுனியா நகர சபையின் 2024 ஆம் ஆண்டிற்கான

மூன்றாவது நடமாடும் சேவையானது வவுனியா பழைய பஸ் நிலைய கட்டடத்தொகுதியில் 08.05.2024 ஆம் திகதி புதன்கிழமை முற்பகல் 9.00 மணி தொடக்கம் பிற்பகல் 3.00 மணி வரை வவுனியா நகர சபையினால் வெற்றிகரமாக நடாத்தப்பட்டது.

குறித்த தினத்தில் வருகை தந்த பொது மக்களின் வேண்டுகோளுக்கிணங்க, நகர சபையினால், சூசைப்பிள்ளையார்குளம் வீதி வேலை முன்னெடுக்கப்பட்டிருந்தது. மேலும், வீதி விளக்குகளை திருத்தம் செய்வதற்கான கோரிக்கைகள் மக்களால் முன்வைக்கப்பட்டதற்கமைவாக, குறித்த தினத்திலேயே 8 வீதி விளக்குகள் திருத்தம் செய்யப்பட்டது.

மேலும் பொதுமக்களிடமிருந்து 02 கோரிக்கைகள் கிடைக்கப்பெற்று தற்போது தொடர் நடவடிக்கை இடம்பெற்று வருகின்றது.

குறித்த நடமாடும் சேவையின் போது 3 கழிவகற்றல் வாகனங்கள் திண்ம கழிவகற்றல் செயற்பாட்டில் ஈடுபடுத்தப்பட்டது. மேலும், விவசாய நடவடிக்கைகளுக்காக நகர சபையால் தயாரிக்கப்பட்ட 68 கிலோ சேதன பசளையானது குறைந்த விலைக்கு (ரூ.25.00 ) பொது மக்களுக்கு வழங்கப்பட்டிருந்தது.

அத்துடன் குறித்த நடமாடும் சேவையில் கிடைக்கப்பெற்ற 48 வியாபார உரிமங்களுக்கான விண்ணப்பங்கள் அன்றைய தினமே பரிசீலிக்கப்பட்டு சான்றிதழ்கள் வழங்கப்பட்டிருந்ததுடன், 19 விளம்பர உரிமங்களும் வழங்கி வைக்கப்பட்டது.

நூலக சேவையினை விரிவாக்கும் நோக்கில் 7 நூலக அங்கத்துவ விண்ணப்பங்கள் பரசீலிக்கப்பட்டு விண்ணப்பதாரர்களுக்கு நூலக அங்கத்துவ அட்டைகளும் வழங்கி வைக்கப்பட்டது.

குறித்த நடமாடும் சேவை நிறைவின் போது 80 இற்கும் அதிகமான பொது மக்கள் வருகை தந்து நகர சபையின் சேவைகளை பெற்றிருந்தமை குறிப்பிடத்தக்கது. மக்களிடமிருந்து கிடைக்கப்பெற்றிருந்த பெரும்பான்மையான கோரிக்கைகள் அன்றைய தினமே பரிசீலிக்கப்பட்டு உரிய தீர்வுகள் வழங்கப்பட்டது.

வவுனியா நகர சபையினால் முன்னெடுக்கப்பட்ட மக்களுக்கான மூன்றாவது நடமாடும் சேவையினை வெற்றிகரமாக நிறைவேற்றுவதற்கு எம்முடன் கைகோர்த்து நின்ற மக்கள் அனைவருக்கும் எமது மனமார்ந்த நன்றிகளை தெரிவித்துக்கொள்கின்றோம்.

வவுனியா நகர சபையின் திண்மக்கழிவுகள் சேகரிப்பு நிலையம் திறப்பு – 12.03.2024

Posted on March 12, 2024March 15, 2024 by webadmin

வவுனியா நகர சபையினால் இன்றைய தினம் 12.03.2024 ஆம் திகதி வவுனியா ஹொரவப்பொத்தான வீதியில் மரக்கறி விற்பனை சந்தைக்கு முன்பாக திண்ம கழிவுகள் சேகரிப்பு நிலையம் திறந்து வைக்கப்பட்டது. நகர சபையின் செயலாளர் திரு.இராசையா தயாபரன் அவர்களின் தலைமையில் நடைபெற்ற குறித்த நிகழ்வில் பிரதம விருந்தினராக வவுனியா மாவட்ட அரசாங்க அதிபர் திரு.பி.ஏ.சரத்சந்திர அவர்களும், சிறப்பு விருந்தினர்களாக வவுனியா மாவட்ட மேலதிக அரசாங்க அதிபர் திரு.த.திரேஸ்குமார், வவுனியா பிராந்திய சுகாதார சேவைகள் பணிப்பாளர் Dr.எம்.மகேந்திரன், வவுனியா பிராந்திய உள்ளூராட்சி உதவி ஆணையாளர் திரு.தெ.ரதீஸ்வரன், வவுனியா சுகாதார வைத்திய அதிகாரி Dr.வ.சுரேந்திரன், வெங்கலச்செட்டிக்குளம் பிரதேச சபையின் செயலாளர் திரு.எஸ்.கிருபாகரன், நகர சபை அலுவலர்கள், பொது மக்கள் என பலரும் கலந்து சிறப்பித்தனர். குறித்த திண்மக்கழிவுகள் சேகரிப்பு நிலையமானது அரசாங்க அதிபர் திரு.பி.ஏ.சரத்சந்திர அவர்களால் திறந்து வைக்கப்பட்டது. குறித்த திண்மக்கழிவுகள் சேகரிப்பு நிலையமானது வாரத்தின் ஏழு நாட்களும் மு.ப 6.00 மணி தொடக்கம் பி.ப 6.00 மணி வரை திறந்திருக்கும் என்பதனை அறியத்தருவதோடு, பொது மக்கள் திண்மக்கழிவுகளை குறித்த நிலையத்தில் ஒப்படைக்கலாம் என்பதனையும் மகிழ்ச்சியுடன் அறியத்தருகின்றோம்.

சர்வதேச மகளிர் தினமும் – பெண்ணியம் நூற்கண்காட்சியும்

Posted on March 8, 2024March 15, 2024 by webadmin

வவுனியா நகரசபை பொது நூலகத்தினால் சர்வதேச மகளிர் தினத்தை முன்னிட்டு (08.03.2024) இன்று 07.03.2024 வ/சைவபிரகாச மகளிர் கல்லூரி உயர்தர மாணவர்களிற்கு இலவச நூலக அங்கத்துவமும். பெண்ணியம் தொடர்பான நூல்கள் அறிமுக கண்காட்சியும் இடம்பெற்றது. இந்நிகழ்வினை நடத்துவதற்கு ஊக்கமளித்த சபையின் செயலாளர் அவர்களிற்கும். ஒழுங்கு படுத்தி வழங்கிய பாடசாலை அதிபர், பிரதி அதிபர் , நூலக பொறுப்பாசிரியர்கள், ஆசிரியர்கள் அனைவருக்கும் நன்றிகளை தெரிவிப்பதோடு. மற்றும் கலந்து சிறப்பித்து ஆர்வத்தோடு இலவச அங்கத்துவங்களைபெற்று (61) அதன் பயன்பாடு பற்றிய விளக்கங்களை தெளிவுடன் கேட்டு அக்கறையோடு நடந்துகொண்ட மாணவர்களையும் வாழ்த்துவதோடு. இதன் பயன் மேலும் நடமாடும் சேவைகளை நடாத்த தூண்டும் வகையில் மிகச் சிறந்த தருணமாக அமையப் பெற்றமை மகிழ்வளிக்கின்றது.

வவுனியா நகர் பகுதிகளில் போக்குவரத்து நெரிசலை கட்டுப்படுத்துவது தொடர்பான கலந்துரையாடல்

Posted on March 7, 2024March 15, 2024 by webadmin

வவுனியா நகர் பகுதிகளில் பொதுமக்களின் போக்குவரத்து நெரிசலை கட்டுப்படுத்துவது தொடர்பான கலந்துரையாடல் இன்று 07.03.2024 ஆம் திகதி பி.ப 3.00 மணியளவில் வவுனியா நகர சபை மண்டபத்தில் நகரசபை செயலாளர் திரு. இராசையா தயாபரன் தலைமையில் நடைபெற்றது. குறித்த கலந்துரையாடலில் வவுனியா பொலிஸ் திணைக்கள போக்குவரத்து பிரிவு பொறுப்பதிகாரி , வவுனியா வர்த்தக சங்க தலைவர் திரு. எஸ்.சுஜன், வர்த்தக சங்க செயலாளர் திரு. ஆ.அம்பிகைபாகன் உட்பட்ட வர்த்தக சங்க பிரதிநிதிகள், நகரசபை உத்தியோகத்தர்கள் ஆகியோர் கலந்துகொண்டனர்.

குறித்த கலந்துரையாடலில் வவுனியா நகர பகுதிகளில் பொதுமக்களின் போக்குவரத்து நெரிசலைக் கட்டுப்படுத்துவது தொடர்பாக கலந்துரையாடப்பட்டதுடன் , பின்வரும் தீர்மானங்கள் எடுக்கப்பட்டது .

01. பசார் வீதி, தர்மலிங்கம் வீதி, ஹொரவப்பொத்தான வீதி ஆகிய வீதிகளில் உள்ள கடைகளில் வேலை செய்பவர்களின் வாகனங்களை பொலிஸ் நிலையத்திற்கு முன்பாக உள்ள நகரசபை வாகன தரிப்பிடத்தில் நிறுத்த வர்த்தக சங்கம் நடவடிக்கை எடுத்தல்.

02.தர்மலிங்கம் வீதியின் பக்க எல்லைக்கோடுகளை நகரசபை அமைப்பதுடன், குறித்த எல்லைக்கோட்டுக்கு வெளியே தரித்துவிடப்படும் வாகனங்களுக்கு போக்குவரத்து பொலிஸ் அலுவலர்கள் நடவடிக்கை எடுத்தல்.

03.நகரசபையால் ஒரு வழிப்பாதையாக ஏற்கனவே பிரகடனப்படுத்தப்பட்டுள்ள சந்தைசுற்றுவட்ட வீதியில் ( சதோசா வீதி) போக்குவரத்துப் பொலிஸ் அலுவலர்களின் கண்காணிப்பை அதிகரித்தல் .

மேற்படி தீர்மானங்களை 15.03.2024 ஆம் திகதி முதல் அமுல்படுத்துவது எனவும் தீர்மானிக்கப்பட்டது.